Dienstag, 24 Mai 2022

De Gemäänerat

von Ria Stemler

Bei uns im Dorf geht noch die Schell !
Sie bimmelt laut, sie bimmelt hell,
Un macht bekannt in jeder Stroß
Heit owend is was Großes los !
Zur Versammlung sinn se ingelad,
Die Herre vum Gemäänerat !
 
Unn owends dann so geje acht,
Do hann se sich all fei gemach :
De Peter, Schorsch, de Müller Hans,
De Jakop un de Maier Franz.
De Johann, Nikla un de Karl,
De Michel noch, das wer´n se all.
Fer unser Dorf e wahrer Staat -
Die Herre vum Gemäänerat ! 

Doch in de Sitzung, liewe Leit,
Do herscht net immer Ähnichkeit,
´s werd dischbediert un a gekrisch,
Ja, manch Fauscht schlaat uff de Disch.
Dann werd enanner die Määnung gesaat,
Bei de Herre vum Gemäänerat !
 
Doch, zu ehre Ehr muß ich geschtehe,
Dut immer alles zum Beschte ausgehe.
Bürger, schlaf ruhich in de Nacht -
De Gemäänerat fer alle wacht !
Beim Wert kloppe se noch ordentlich Skat -
Die Herre vum Gemäänerat !

 

 

 

 

 Was ist neu - seit wann?

 

Infos Kirchengemeinde → Aktuelles 24.05.2022
Info Potzbergverein → Aktuelles 17.05.2022
Infos Gemeinde → Aktuelles 02.04.2022

 

 
 

Das aktuelle Wetter in 66909 Matzenbach finden Sie z.B. unter www.wetter.com.

Informationen

Pfarrei am POTZBERG

Nächste Gottesdienste

05.06.2022 10:00 Uhr

03.07.2022 09:00 Uhr

10.07.2022 16:00 Uhr

17.07.2022 18:00 Uhr

 

 

 

 

 

 

 

 

Cookies erleichtern die Bereitstellung unserer Dienste. Mit der Nutzung unserer Dienste erklären Sie sich damit einverstanden, dass wir Cookies verwenden.
Weitere Informationen Ok